sexta-feira, 28 de fevereiro de 2014

Agradecidos pola participación!!

Rosalía é mundial!


Aos e ás que participaron nas actividades do Dia de Rosalía, grazas. Ficarán para a posteridade nestas imaxes tomadas na segunda feira 24

quinta-feira, 27 de fevereiro de 2014

Farewell to my land!

Deixámosvos unha versión en inglés dun poema coñecido por case todo o mundo para que practiquedes (We introduce you to an English version of a poem that almost everybody knows, to you practise)


 Outra maneira de celebrar o Día de Rosalía (Another way for celebrating Rosalia's Day)

sexta-feira, 21 de fevereiro de 2014

Día Internacional da Lingua Materna


21 de Febreiro, unha data como outra. Pero ben poucos saben que é o Día Internacional da Lingua Materna
A data foi escollida pola UNESCO hai uns quince anos para promover a consciencia lingüística e a diversidade cultural. (Se queredes máis información sobre por que se preferiu tal data, clicade aquí mesmo)


Todos os habitantes deste mundo temos unha lingua e pensamos que é como unha nai porque nos criamos con ela desde meniños. Algunhas linguas teñen muitos falantes, outras teñen poucos, pouquísimos, mesmo un ou dous. E en poucos anos desaparecerán culturas e formas de pensar, de comprender e de sentir porque ninguén vive para sempre.
Con todo, é unha pena que desapareza tanta riqueza. Neste día convén reflectir sobre o que herdamos dos nosos antepasados e o que queremos deixar para os que veñan despois.

quarta-feira, 19 de fevereiro de 2014

Semana de Rosalia

No próximo 24 de febreiro vaise celebrar o Dia de Rosalía, proposto pola AELG (Asociación de Escritores en Lingua Galega) para os centros escolares
Para conmemoralo, preparáronse unhas actividades dirixidas a todos os membros que quixeren participar.

    Concurso “Descubrindo a Rosalía” Podedes consultar o folleto e bases na biblioteca, até o venres 28.
Haberá tres (3) premios.
    Sorteo “Un libro e unha flor” até o 28. @s alumn@s deben entregar na biblio un título dun poema de Rosalía. O sorteo farase na sesión correspondente do venres.
Haberá dous (2) premios (un por cada nivel).
Tamén, nos empréstimos de luns a xoves, @s usuari@s que leven un libro en galego recibirán unha flor. (Incluíd@s prof@s).
    Lectura en todas as clases de “Adiós ríos… na hora de lectura do mércores 26 (1ª hora)
(Estará o poema fotocopiado xa nas caixas de lectura de cada grupo). Despois continuará a hora de lectura habitual.
    Poemas musicados e vídeos na biblioteca. Recreos da cuarta (mércores) e quinta feira (xoves)
*******
                     RECREO DA SEGUNDA FEIRA (LUNS) 24 NA BIBLIOTECA 
                  - Lectura de poemas de Rosalía
                  - Exposición “Rosalía é mundial”.
                  - Debuxos e poemas en diferentes linguas.
                  - Vídeo musical


sexta-feira, 14 de fevereiro de 2014

O día do amorrhrrrr

O "día en que casan os páxaros" tradicionalmente era no 2 de febreiro (o día da Candelaria ou Candeloria)... o renacer, o recomezar todo de novo... pero xa a ninguén lle acorda!!
Agora temos de esperar ao 14 por San Valentín para que consagre os namorados, namoriscados, noivos, pares, parellas e apaixoados de calquer tipo e que podan celebralo con presentes e agasallos.
Disque coas cousas de amor hai que ir devagar, con preámbulos, centrarse antes no antes que no despois... ehem!!!
Propómosvos algo rapidiño, axiña: un concurso de e-poesia a través de Twitter... é sinxelo, se clicades AQUI vedes en que consiste e nesta outra ligazón están as bases para participar.

sexta-feira, 24 de janeiro de 2014

Novo ano, Benvindos ao 2014

Reiniciamos o ano escolar, iniciamos o ano do calendario.Logo deste reset, e para quecer dedos, un concursiño de relatos da
para máis detalles, clica AQuI

46º Concurso Literário de “Contos de Nenos para Nenos”
Alumnado do instituto interesado a participar vaino poder facer apenas pola categoría B (entre 13 e 16 anos), ainda que alguén podería entrar na A (de 6 a 12 anos). 
Non está mal: dous premios de 100 € a par dunha biblioteca de libros por un relato dun máximo de 10 (dez!) folios na categoría B
Só ten de ser orixinal (non publicado ningures, nin na rede nin en papel), escrito en galego e enviado antes do 31 de marzo do 2014.
Quen tiver interese xa pode ir facendo tres copias (tanto ten por computador ou á man), grampealas e detrás do último folio pórlle nome e apelidos, enderezo, teléfono, correo electrónico, nome do instituto e categoría na que participa. 
Despois ten de meter as copias nun sobre e envialo por correo a:

Associaçom Cultural O FACHO
R/ Frederico Tápia, 12-1º 
15005 A Corunha.

sexta-feira, 20 de dezembro de 2013

Os nosos parabéns para os IESpazombies polos éxitos conseguidos polo mundo fóra. Son como un andazo que se extende por onde quer que... que digo? Pero se os iespazombies son os outros...
O profe de vudú xamaicano